Pajūrio naujienos
Help
2024 Kovas
Pi 4111825
An 5121926
Tr 6132027
Ke 7142128
Pe18152229
Še29162330
Se310172431
Komentarų topas

Pri babūnelės

  • Būkem žemaitē
  • 2021-07-20

Ka aš mažus bovau, tonke liobo būtė pri babūnelės.

Vėina kara ana mon saka:

– Ek parnešk posė kiuocė ropotiū, eso anas skostė i taisyso pėitus. Nudūriau akis į aslą – mėslėjo, kas tas kiuocis yr? Mata babūnėlė, ka kažkas ne tep. Slinks nikumet nebovau. Greta ana soprata, kamė rekals. Tumet paaiškėna, tad ė parnešiau tū ropotiu.

Kėta dėina taisa buočius traktuoriu, o aš klauso:

– A nerek kū padietė?

Saka ons monėj:

– Atnešk kujati, apsūgas ė atviorka.

Viel kap dornius mėslėjo, kas anėj per daikta yr. Nikuoks pamuočniks ėš monėj neišejė. Cielą adyna buočielis pasakuojė, kas tėj daiktą yr, kam anėj sosėgadėj ė kamė stuov padietė. Buočius veiziedams, kad aš če neprisėgadysio ėš zlastėj išejė pats parsėneštė, vo aš žliumbdams vėlkaus ėš paskuos ė muokiaus: kūjatis..., apsūgas..., atviorka..., kūjatis..., apsūgas..., atviorka...

Da nemaža adynu prejė, kumet tou pamuoka ėšmuokau.

Neužėlga vadėn babūnelė pri pėitu. Saka monėi:

– Pasimk abrūsa ėr ek ronkų plautė.

No nosėpluoviau tas ronkas ėr i kelnės nusišveitiau. Kū aš žėnau, kas tas abrūsos yr. Tū kartą be abrūsą ėšsėsokau.

No ė viel babūnelė monėj saka:

– Ronkas nusipluove, ek diek i stala skleinyčės, videlčios ė tuorielkas, esem pasiiestė.

Toukart buočius išdyga tarpdurie ė pamačėjė monėj vėskū sokravuotė. Kėta dėina enau so buočiu i laukus šertė veršiu. Vėns bova dėdele pasiotės, kiaura liob ruodytė sava ragus. Ka ons ont monės nepolto, prisigerintė nešiaus dounas abraka. Nu į kū – vedo susidraugavuov. Vakarė kvėit babūnelė pri večerės. Pareno i truoba, nusiplauno ronkas, nusivalau i abrūsa – jau žėnau, kas ons tuoks yr. Babūnelė saka monėj:

– Trauk petelnė ėš šiepale, maišysio tešla, kepsio plincius. Ton tarpo pripėlk i štromoli ondens, vėrsio erbeta. Aš apėntas mėslėjo, kuokius špuosus babūnelė kret su tas sava mondres žemaitėškas žuodes. Sunke bova anus suprastė, bet daba muoko anū daug. Tonke sava buočelios aplonkau. Galio dėinū dėinas klausytėis iduomiū pasakuojėmu. Tuoki graži ta anū kalba palėka, ka basėklausont ė seilė ėštyst.

Edgars JAŠINSKS, 1a klasė Kretinguos Jorgi Pabrėžas universitetinė gimnazija


Visos teisės saugomos. © 2006-2017 UAB 'Pajūrio naujienos'. Atsakomybės apribojimas. pingvinas