Pajūrio naujienos
Help
2022 Rugpjūtis
Pi18152229
An29162330
Tr310172431
Ke4111825
Pe5121926
Še6132027
Se7142128
Apklausa

Ar jums įdomu, kodėl pykstasi rajono valdžia?

Taip
Ne
Neturiu nuomonės
Komentarų topas

Žemaitėška vakū kūryba sogolė i almanaka

  • Audronė GRIEŽIENĖ
  • Būkem žemaitē
  • 2019-05-14

„So vakas parėngiem tris mažus žemaitėškas kūrybas almanakus ėr vėina geruoka dėdesni, katrou ypač didžiuojamies“, – sakė Jadvyga Miežetienė.

Kumet dar ni sapnė nesapnavuom, ka Seims 2019-ūsius paskelbs Žemaitiu kalbuos metas, ėr tėik daug diemesi skėrsem sava buočiu, prabuočiu, tievū prigimtėne tarme, Kretinguos Jorgi Pabriežas universitetėnės gimnazėjės lietoviu kalbuos ėr literatūras muokytuojė Jedvyga Miežetienė so sava vaduovaujamu Žemaitiu kalbuos būreliu tyle rame tū darė vėsa 20-meti. Šėndėin anuos ronkuos – „Vakarū Lietovuos“ spaustovie išlests almanaks, i katrou sodieta 5 metu geriausi žemaitėška kūryba – vaizdingė pasakuojėma, eilierašte.

Konkursa tapa laukiamuom švėntiem

Muokytuojė sakė, ka kortė žemaitėška lėngviau yr priprašytė mažesniūsius vakos – darželėnokos, pradėnokos. Bet vėskas čia – normale. Jog pate Jadvyga jaunystie yr bovės perijuods, kumet vėngė rokoutys žemaitiu tarmė ėr, kap anuos tieva sakydava, aukštaičioudava. „Ypač kumet griždavau iš universiteta – savaimė soprontama, jaučiaus kap „tėkra vilnietė“, nuoriedavuos paruodyt, ka aš jau eso nebe iš tuo nuošalaus Skouda rajuona Gailėškiu kaima“, – prisiminėmas pasėdalėna Jadvyga. Ana nesliepė – tievams gieda bovusi, ka duktie tep „aukštaičiou“ – kaimė nesakydava, ka bėndrėnė kalba kalb. Bet, muokytuojės isėtėkėnėmu, aten laiks, kumet žmuogos pats praded soprastė, kas ons yr, kor anuo šaknis, praded idėntifikout savėm so tievū šaknim, prisėmen, kuokės gražės kaimė būdava dainioujamas dainas, o vaikystie – mamas luopšėnės. Kaimyna vakaras pasakuodava vėsuokiausės istuorėjės gyva žemaitiu tarmė. J. Miežetienės žuodes, Skouda rajuons yr ėšskėrtėnis, tėn net miestė ėr dabar reta kumet gėrdiesi ka kas kalbietu literatūrėška, nes tėn gyven tėkri dounininka, ožkėitiejė žemaite, geriause ėšlaikė sava tarmė.

Dėrbont muokykluo, Jadvyga iemies organizoutė menini skaityma žemaitiu kalba konkursus, nes tuokiū rajuonė dar nieks nebova sogalvuojės. Tėi konkursa palaipsniou vėrta i žemaitiu kalbuos švėntės. I muokykla, katra tumet dar bova vadėnama trečė vėdorėnė, kuožnas metas ėš vėsa rajuona atvykdava vakuteliu so sava mažytiem pruogrameliem – mozėkoudava, dainioudava, pasakuodava. Aktu salė lūždava nu dalyviu gausuos, o švėntė ožsėtesdava geras 5 ar 6 valondas.

Daigs pridyga

„Paskiau aš pamatiau, kad tas daigs jau yr savuotėška pasuodints ėr aug – jau žemaitėškus rėnginius pradiejė organizoutė ėr patės ogdyma istaigas pas savė, pas mumis dalyviu atvažioudava vis mažiau“, – atvėrava J. Miežetienė. Tumet ana pamėslėjė, ka rek padarytė kažkū tuoki, kas torieto ėšliekamoujė vertė. Skaityma konkursa yr gera – tou dėina vėsū šėrdis sošėlda, maluone pasėklausytė gyvuos tarmies, prisimintė žemaitiu tradicėjės ėr papruočius. Bet tuos emuocėjės nuslūgst. Tep atejė i galva mintis surėngtė konkursa „Koram žemaitėška“. Patiuo pradiuo tai bova nedrousos žingsnis, kordava nedaug vaku, bet kai kuriuos Kretinguos rajuona muokyklas iniciatyva ruodė. Kėtas metas korontiu būrelis padėdiejė. Aktyviausės – vėsas Kretinguos miesta, laba gražės tradicėjės puoseliejont žemaitiu kalba torinti Kūlupienu Muotiejaus Valočiaus muokykla, tep pat Kartenuos, Vydmontū švėitėma istaigas. „Vėsū muokyklu negalio ėšvardintė diel tuo, ka vėinas metas aktyvesnės vėinas, kėtas – kėtas“, – paaiškėna J. Miežetienė.

Po keliū konkursu ana sogalvuojė atrinktė iduomiausios kūrinius ėr sodietė i Žemaitiu kalbuos būreli lonkontiu vaku ronkuom padarytos almanakus. Ėš vėsa yr padarytė 3 mažė almanaka, kol galū galė 5 metu geriausė kūryba, paivairinta dar ėr skoudėškiu, ėr Klaipiedas rajuona muoksleiviu, so katras ryše ožsėmezg per Nasrienūs pavasares vykstontius Valončiaus raštu skaitymus, sodieta i vėina stuora almanaka, ėšleista 50 egzempliuoriu tiražo. Leidont leidini, Jadvyga sakė solaukusi pagalbas ėš sava kuolegiu – dailės muokytuojės Valduonijės Karaliūnienės muokėne nupiešė piešiniū, menėnės fuotuografėjės būreli vaduovė Janina Šėdlauskienė pasėrūpėna, ka būto iliustrouta ėr nuotraukuom, atspindontiuom gražiausus Kretinguos vaizdus.

„Jaunieji kūrieje vieliau ar onkstiau baig muokyklas, išen kuožnus sava gyvenima keles. Bet kap maluone, kumet išgėrsti, kad kai kurėi, patys tapė muokytuojes, jau sava muokiniams skiepėj meilė prigimtėne tarme. Tarp tuokiū – ėr gražiū žemaitėšku tekstu autuorė bovosi aktyvi mūsa būreli narie Kretinguos prancėškuonu gimnazijės muokytuojė Birutė Šėdlauskaitė“, – pasėdžiaugė J. Miežetienė.


Visos teisės saugomos. © 2006-2017 UAB 'Pajūrio naujienos'. Atsakomybės apribojimas. pingvinas