Pajūrio naujienos
Help
2017 Gegužė
Pi18152229
An29162330
Tr310172431
Ke4111825
Pe5121926
Še6132027
Se7142128
Orų prognozė
Dieną20°C debesuotumas 31 %
Naktį15°C debesuotumas 12 %
Komentarų topas

Kap gerā

  • Būkem žemaitē
  • 2015-09-15

Vo kap gerā būt senam,

Jego syluos tori dar,

Alguos nebrek ožsidėrbtė –

Atneš pėnsėjė i vėita.

Jego nebgali matytė –

Akėnius rek ožsakytė.

Jego ausim neprigėrdi –

Istatys i ausi „šėrdi“.

Jego nebet sokromtytė,

Dontu nabie ni matytė,

Tuokė padarys pluokštelė,

Išsijimt bet kumet gali.

Jego raiša vėina kuojė,

Klėbėnkščiouji so ontruojė,

Pasiriemus rėista lazda,

Gėidi gēismės valog strazda.

Sena žmuogo vėsė gerb,

Siūluos tau paneštė terba,

Gatvė paret nuor padietė,

Ka nerektom aprėitietė.

Jau autuobusė ėš karta, –

Sieskės, kap i kuoki karsta,

Jego jimsi to slabnietė, –

Pakėš po lėižovio tablietė.

Jė tablietė nepadies,

Če greituojė atrėities,

Noveš tavi i palata,

Lašalėnė gret ėstata.

Po dėinelė – a kėtuos

Išrašys – nabie lėguos.

Viel sau eni – strapaliouji,

Jego nuori – oždainiouji.

Jūs žėnuokėt – kap gerā

Šiame svietė būt senā,

Jego Pondėivs če da laika,

Nepamėrškem vėsor saika.

JUCIENĖ Juzefa ėš Kretinguos


Lietuvos žemės ūkio konsultavimo tarnyba (LŽŪKT) TheATRIUM Nacionalinė rajonų ir miestų laikraščių leidėjų asociacija Spaudos, radio ir televizijos rėmimo fondas
Visos teisės saugomos. © 2006-2014 UAB 'Pajūrio naujienos'. Atsakomybės apribojimas. pingvinas